خواطر للحبيبة ابوفروع

الالف/

انت يا رائعه وحنينه
انت يا رمز المحبه
ومنبع الطيبه فـــــــيـنـا

الباء/

بيني بينك عشق دافئ
نبعو ديمه صافي
زيو مافي ما لـــــقـيـنـا

الواو/

وحات ارضك السمراء
وغابتك الخضراء
وحات ناسك البسطاء
في بعادك كم وكم شــــقـيـنـا

الفاء/

فتنا رحلنا منك
بس وحاتك الغربه ما شغلتنا عنك
وانا عارفك واظنك
خاته كل اللوم عـــــلـيـنـا

الراء/

رضاك عننا غاية مرادنا
انت يا حسناء حسان قري بلادنا
لمدارسك شوارعك ملاعبك
جوامعك ديمه بازلين اجتهادنا
وان قصرنا القي انت العزر لـــــــيـنـا

الواو/

وعد مني ومن اولادك الحنان
بكره ترجع كل طيورك المهاجره من زمان
وكل حته فيك تبقي مرتع امان
ما انت دائما في روحنا وعــــــيـنـيـنـا

العين/

عزك قديم فورعاب عرشاب اصل البشاره
فيك عمد وشيوخ بلد اولاد ود جباره
فيك جعليين وعركيين شوايقه وعصامنه
تمازج حضاره
فيك عيال بخيت وناس جاتك من بعيد
ليهم ما سلينا ولا جــــــفـيـنـا

ابوسفيان ابراهيم احمد سعيد
تبوك 8/11/2005

بسم الله الرحمن الرحيم
مبدأ كل شئ عظيم

من وهج الحروف ورحيق المداد الولوف وعبق الزهور
الهابه من جهة الجروف ارسم لك هذه اللوحه بريشتي
التي لا تجيد نقش الصور الا صورتك وليس غريبا
ان اتخذتك قبلة افكاري فقد عشقتك منذ كنت صغيرا
تفتحت عيناي عليك وانت ترقدين بكل تواضع وروعه
علي ضفاف النيل عشقتك ونشأ بيني
وبينك حب نبيل ,,,,,,,,,,,, اقسم بالله ,,,,,,,,,,, ان الدنيا تصبح عذاب حينما تمتد
مسافات الفراق ويطول زمن الاغتراب في بعادك تختلط الدروب وتتلاشي مدارات
الانجم وتميل الشمس للغروب فتتيه افكاري ويتيه معها كل جميل لذلك كلما
اتيت اليك وجلست اهلك الحنان ادع العنان لقدماي لاجوب شوارعك
وازقتك المحبوبه واطلع علي ذاك العالم السحري الجميل فاتكي
علي تراب ترسك واغفو علي منظر غابتك فاستريح من عناء
سفر طال 0تاخذني قدماي الي فريقي العامر قلب القريه
النابض وامر من ذاك الدكان الله ما احلي تلك الايام بل ؟!
ما اروع ذاك البله
الدكانو سنتر في الحله
الامثالو اصبحو قله
ما اجمل تلك الشله

عفوا احبتي الكرام فانا لست محترفا للكتابه
ولكن حركتني الخواطر لاخط هذه السطور في

محبوبتي ابــوفـــــــــــــروع
الموجوده دوما بين الـضــــــــلوع
الليها قريبا انشاء الله ناوي الـرجـــــــــوع

ويا شبابنا متين نرجع نسيب الغربه
نمشي هناك نخمج الـطين
ونرجع لوطنا حبيبنا
لاهلوا الدوام طــــيـبـين
تنتفك من تعال يازول
كفيلك مين هويتك ويـــن
وزي صيفون يمين ما شفته
من حرو الحديد هو بلــــين
والعجب العجيب في شتاهم
بردو يكنكش الـيديـــــن
شن جابرنا لي ده كلو
عشان جمع0الريال0 جـايـين؟
زمان كان صح من اجلو نعاني
وكان بيقطي بالـجـيـهـــتين
اما الان حكايتو هو بايظه
كل شهر خاشي في دين
والماهيه زي سودانا
مافي فرقا تشوفو العـــين
بس اسم فلان في الغربه
ولينا يقولوا مغـــــتربـيـن
عشان كده اخير الرجعه
ما دام اصلو متــساويـــين
نعيش في وطنا وسط اهلنا
نخدمك يا ابـوفــروع حـافـــيين

عندما اكون اكتب او اخاطب ابوفروع واهلها احس انني اكتب واخاطب وترا حساسا فاليك يا من
تعلمت بين احضانها وصلةالاندهاش والتامل العميق 0في حواريك اصبحت استبين
معالم معتمه الرويه فانت يا حسناء حسان قري الدنيا واحه نديه للتامل والارتياح
انك كتاب حقيقي وعظيم لمن اراد ان يقراء شيئا عن الروعه والجمال
والرومانسيه ومداخل الانبهار بعظايم التحف كتاب واقعي لمعني
التعايش بمحبه واخويه نقيه خاليه من امراض النعرات
القبليه اليك اقود قوافل التوسل والرجاء لتمنحيني
واهلك حق الكتابه عنك لاعبر لك عن مدي
سعادتي بك وبانتمائي اليك وعن وجعي
والمي في بعدي عنك فلك ولاهلك
تحياتي وحبي وفي الخاطر بقيه

الاخ ابوسفيان
تحية طيبة وكيف الاسرة انشاءالله تمام
اخي صراحة والله كتابتك عن ابوفروع بتسعدنا وتفرحنا وعاوزين منك الكتير ومنتظرنوا

» من منا لا يحب ابوفروع
» المنتديات هما توأمان ابوفروع
» ياناس ابوفروع شكلكم ما عرفتوني
» ابوفروع الحبيبة*****أبوفروع الحبيبة