ممكن تشتغل اي شغلة؟؟؟

هيثم محمد علي خضر كتب:

البطالة وما ادراك ما البطالة,,, اصبحت مشكلة عالمية,, ونحن في السودان نعاني منها بكثر,,
يلا يا شباب ورونا,, لو انتا خريج هندسة مثلا وما لقيت شغل ,, او لقيت شغل بي قروش حبة اقل من شهادتك بتفبل ولا بتقعد في البيت؟؟
ولو انت خريج علوم حاسوب وما لقيت غير انك تشتغل في طربيزة في الاوقاف او عامل في مكتبة,, بتشتغل ولا تقعد في البيت؟؟
ولو انتا خريج تربيةولا زراعة ولا بيطرة ولا قانون ولا اي شي وما لقيت شغل بتشتغل طلبة ولا عامل يومية ولا بترخم في البيت؟؟
يعني بتشتغلو اي شغلة ولا الا في تخصصكم بس وتقولو اخير قعاد البيت؟؟

الموضوع مفتوح للنقاش ,, واتمني انكم تدوني رايكم بي صراحة
,,

الاخ هيثم
زي ماقال الاخ عرابي الشغل عمره ما كان عيب مهما يكون العمل وفي اي مجال والواحد ماشرط يعمل في مجاله
ولكم الشكر

مرحبا هيثم
زي ما قال عرابي وقال صديق الشغل ما عيب
بس من واقع الوضع الراهن في السودان اصبحت الشهاده الجامعيه صوره ونادرا ما يجد الانسان وظيفه في مجاله
بس بكون الاحباط من الامال العراض والاحلام البمني بيها الانسان نفسو ويصطدم من الواقع واكيد لحدي ما يفوق بكون ضيع الكتير من عمرو عشان كده احسن الزول يشتغل اي شغل ما دام حلال ويكفي عن مذله السؤال