ورجعت ليك رجعت معاي كل الخطى المشتاقة ليك
اصلو الدروب عارفة كيف بتودي ليك
كل الممرات زغردت فرحانة بيك
حتى الحراز صفق واخضر باسم لي عينيك
انت عارف قصة حربو مع المطر ولا اقولا ليك؟
اصلو الحراز من يوم فراقك إنت نااااح وبالجد بكاك
بكت السما ونزلت دموعا الجارية في كل الأرض شربت رواك
إلا الحراز قال الروى بكون حقيقة بس معاك يوم احتفاك
رافع اياديو للسما وشّاري للنسمات فروعو بيسال عن لقاك
يترقب الجايي البعيد يسال يفتش لي رضاك
قابلتو في السكة الهناك وصفت ليهو درب هواك
قال لي حزين وبي انكسار
ياربي كيف اصل الدرب اصلو الدروب صعبت علي
وهاااام الحراز فكر بعييييد ومعاو سرحت وطفت كم
ياربي ليه الحراز قرر خلاص ينشر مواسم الخضرة رغم يباسو كم؟
همت ورجعت بالزمن اتذكر الهمس الشفيف زي رقتك
خاصمت كل الدنيا كل الحزن وانتظرت مع الحراز يوم جيتك
بالله ما تطول علينا انا والحراز بنشتهي يوم طلتك
ارجوك ما ترحل تمش وأدي الحراز وعد اللقا من الفتك
خليهو يملا الدنيا خضرة وينهزم جور السنين بي روعتك
ومرت سنة وتاني سنة واتتالت السنوات كتير وانا في رجاك
جيت مارة بي شارع الحراز لقيتو اخضر ومنتشي
سالتو عن سر السبب قال لي راجيك هناك في الممشى وبيك محتفي
وزغرد فرح انتظرتو زمن طويل وكل الدواخل حضرتو
دا الحراز يوم خضرتو وكنت انت اجمل توقيع في قصتو[center]