البطحانى فراعي لامع
عدد المساهمات : 114 تاريخ التسجيل : 13/05/2009 العمر : 44 الموقع : السعودية الدمام
| موضوع: قصيده حلوه بالصوت الأربعاء أكتوبر 21, 2009 8:29 pm | |
| قصيده بت هندسه قصيده حلمنتيشيه رائعه بهديها لكم واتمنى ان تنال اعجابكم
فى الرابط التحت تجدونها بالصوت للاستماع والتحميل
تحياتى
انا راسى جاط ما بين هواك والدبرسة
الفت عشرين الف بيت سبعين قصيدة مؤسسة
عشان اقدر الفت انتباها ومرة اقدر احسسة
ويا حلوة يا بت هندسة
يا حلوة يازينة البنات يا نجمة الليل والمساء
انا رغم اشكال الشتات حاضن عواطفك وحارسا
انا فى هواك بقيت فتات ودخلت عشرين مدرسه
جنيت مع كلمات هواك بقلبى قاعد اتنفسا
ويا حلوة يا بت هندسة
اكان شفتى يا بت هندسة خطواتى دائما بالغلط
وامورى ديمة معكسة
يوم داك مساهر فى الهدوم وكويتها جد شان البسها
لقيتا الصباح حقت اخوى وهدومى قاعدة مكرفسا
كان للهدوم ما مشكلة بشوف لى نصيبة البسها
لكن هواك اعملو ا ايه دشدش عضامى وهرسا
داير لى فرصة اكون قريب طبلة قليبك افلسا
عشان تشوفى هواك كيف بهدل عواطفي ودعفسا
كلماتى ليك اتبشتنت ما زى زمان متهندسة
حتى الشعر الكان زمان كلماتو حلوة مملسة
هسع اتلخم بقى كيف كده ما فيهو كلمة مهندسة
انتى السبب فى كل ده يا احلى اسباب الاسى
انا ياخي بريدك اعمل ايه ورينى يا بت هندسة
امشى واكورك فى الزلط يا ناس بريد بت هندسة
يا ناس بريد بت هندسة
كم مرة قلت اقوم براى اقعد معاها واحدثا
لكني ما بقدر عديل ما بقدر انضم اونسها خليك
من اشرح ليها حالى وحبى ليك والدبرسة
ويا هناية داير اقول ليك كلام اصلو السكوت فيه وسوسه انا يا ملاك انا بعشقك
وما اظن بلاك ارجى المساء دايرك تكونى لي حبيبة
وابقى ليك حبيب قسا اكسيك هواي
وتلبسيني نعيم هواك اجمل كسه
ويا ربى كل عاشق نبيل تديهو زى بت هندسة
وترعاه من عين الحسود من توب جمالك لبسا
ويا ربي تحفظه لى براي
وياربى تحفظها تحرسها
ويا ربى تحفظها تحرسها
الرابط http://www.4shared.com/file/142586448/f823cbc4/____.html | |
|